“Aztelekom” MMC hazırda baş ofisdə yerləşən rəhbər strukturların birinə Köməkçi (Assistent) vəzifəsi üzrə işçi qəbulu elan edir.

Əsas vəzifə öhdəlikləri:

• Struktur rəhbərinə görüləcək işlər haqqında məlumat vermək və onların icrasını nəzarətdə saxlamaq;
• Struktur rəhbərinin iclas və toplantılarını təşkil etmək, iş qrafiki və əsas prioritetləri səmərəli müəyyən etmək;
• Struktur rəhbəri ilə digər departamentlər arasında əlaqələri təmin etmək;
• Struktur rəhbəri üçün səfərləri, görüşləri və tədbirləri tələb olunduğu qaydada təşkil etmək;
• Müddəti bitmiş sənədləri müəyyən qaydada arxivə təhvil vermək;
• Hər hansı bir məsələ ilə əlaqədar araşdırmalar aparmaq və nəticələri təqdim etmək;
• E-məktubları idarə etmək, təcili məktubların seçilərək müvafiq qaydada cavablandırılmasını təşkil etmək;
• Daxili və xarici sənədlərin hazırlanmasında struktur rəhbərini təmin etmək;
• Müvafiq sənədlərin kompüterdə orfoqrafik və qrammatik cəhəddən peşəkarcasına hazırlanması, mətnlərin yığılması, tərtibatı, saxlanılması, yoxlanılması, düzəlişlərin edilməsi və təqdimatı;
• Müvafiq normativ sənədlərin, qaldırılan məsələlərin və edilən müraciətlərin kimə aid olduğunu təyin edə bilmək;
• Struktur rəhbərinin göstəriş və tapşırıqlarına müvafiq olaraq, müəyyən məsələlər üzrə materialların baxılmasında, öyrənilməsində, yığımında və təhlilində iştirak etmək;
• Əldə edilmiş məlumatları ümumiləşdirmək, sistemləşdirmək, təhlil etmək və müvafiq struktur bölmələrə ötümək;
• Öz səlahiyyətləri çərçivəsində bütün meydana çıxan çatışmazlıqlar barədə bilavasitə struktur rəhbərinə məlumat vermək;
• Səlahiyyətlərinə daxil olan işin icrası üçün zəruri sayılan hər hansı sənəd və materialları, habelə şifahi məlumatları müvafiq struktur bölmələrindən tələb etmək.
• Daxil olan telefon zənglərinin cavablandırılması;

Tələb Olunan İxtisaslaşma, Bilik, Təcrübə və Bacarıqlar:

• Ali təhsil (bakalavr);
• Müvafiq sahədə (xüsusi ilə Sənəd dövrüyəsi və kargüzarlıq) ən azı 5 illik iş təcrübəsi;
• Yaş həddi: 25 – 35 yaş;
• Azərbaycan Respublikasının sənəd dövrüyəsi və kargüzarlıq Qanunvericiliyini mükəmməl bilməlidir;
• Kargüzarlığa aid olan sənədlərin tərtib etmə bacarığına malik olmalıdır;
• İşgüzar yazışma əsaslarını bilməlidir;
• Korporativ İdarəetmə sistemi və Korporativ Mədəniyyətin əsaslarını bilməlidir.
• İT biliklər: MS Office (Vörd, Excel, Power Point), İnternet, Outlook Express peşəkar istifadəçi səviyyəsində bilməli və istifadə etməli;
• Dil bilikləri: Azərbaycan, rus və ingilis dillərini yüksək səviyyədə bilməli;
• Komandada işləmək bacarığı;
• Analitik düşüncə qabiliyyəti və komandada işləmək bacarığı;
• Yüksək Peşəkar ünsiyyət və davranış keyfiyyətlərinə malik olmalı;
• İşgüzar, məsuliyyətli və detallara diqqətli olmalı;
• Böyük həcmdə iş və stressə davamlı olmalı.

İŞ ŞƏRAİTİ

• Əmək müqaviləsi;
• Əmək məzuniyyəti: qanunvericiliyin tələblərinə əsasən;
• Qeyri iş günləri: qanunvericiliyin tələblərinə əsasən;
• İş qrafiki: 5 gün (şənbə – bazar istirahət), 09:00 – 18:00 (13:00 – 14:00 nahar fasiləsi);
• İş yeri: Bakı şəhəri;

Göstərilən tələblərə cavab verən namizədlər öz CV-lərini  hr@aztelekom.az e-ünvanına göndərə bilərlər.