İlin ən yaxşı işçiləri təltif edildi

“Aztelekom” MMC baş idarədə çalışan əməkdaşlar arasında ilin  ən yaxşı işçilərini müəyyən edib.

Seçim və dəyərləndirmə şirkətin fəaliyyətində yüksək peşakarlıq və işgüzarlığın qiymətləndirilməsi məqsədilə ötən ilin nəticələrinə görə bir neçə meyarlar üzrə aparılıb. Hər departament üzrə bir nəfər əməkdaş işinin keyfiyyəti və həcmi, davamiyyəti, şirkətə loyallığı nəzərə alınaraq “İlin ən yaxşı işçisi” adına layiq görülüb.

“İlin ən yaxşı işçisi” adını qazanan12 əməkdaşa baş direktor Suat Paşayev tərəfindən fəxri diplomlar təqdim edilib.

Baş direktor qalibləri təbrik edərək onlara gələcək fəaliyyətlərində uğurlar və yeni nailiyyətlər  arzulayıb. 

29.01.2020