Ümummilli Lider Heydər Əliyevin anım günü keçirilib

AZCON Holding şirkətlərindən olan “Aztelekom” MMC-də Ümummilli Lider Heydər Əliyevin anım gününə həsr olunmuş tədbir keçirilib.

Tədbir iştirakçıları inzibati binada Ulu Öndər Heydər Əliyevin büstü önünə əklil və gül dəstələri qoyublar. Ardınca Azərbaycan Respublikasının Dövlət Himni səsləndirilib, Heydər Əliyevin və ölkəmizin müstəqilliyi, ərazi bütövlüyü uğrunda canını fəda etmiş şəhidlərin xatirəsi birdəqiqəlik sükutla anılıb.

Çıxışlarda Ümummilli Liderin ölkəmizdə telekommunikasiya və informasiya texnologiyaları sahəsinin formalaşması və inkişafına verdiyi misilsiz töhfələr xüsusi qeyd olunub.

Bildirilib ki, Ulu Öndərin uzaqgörən və məqsədyönlü siyasəti Azərbaycanda müasir rabitə infrastrukturunun formalaşmasına və bu sahənin davamlı inkişafına əsas yaradıb.